Tokyo Metropolitan High School Foreign Student Application Pre-screening Notice for April 2027 Admission

Para sa mga sasailalim sa “Pagpili ng mga Dayuhang Estudyante na Naninirahan sa Tokyo, atbp. para sa Pagpasok sa Paaralan sa Abril,” mangyaring dumalo rito.

May darating na interpreter sa araw ng Paunang Pagsusuri ng Kwalipikasyon sa Aplikasyon. Para sa mga sasali, mangyaring magpareserba nang maaga.

1  Petsa, Oras, at Lugar

【Petsa at oras:】
Nobyembre 15, 2026 (Linggo), Disyembre 6 (Linggo),*Disyembre 20 (Linggo)

・Ika-1　10:30 am hanggang 11:30 am
・Ika-2　11:30 am hanggang 0:30 pm (tatanggap hanggang tanghali)
・Ika-3　1:30 pm hanggang 2:30 pm
・Ika-4　2:30 pm hanggang 4:30 pm (tatanggap hanggang 4:00 pm)

*Ang Disyembre 20 ay para sa mga dumalo sa Nobyembre 15 o Disyembre 6, ngunit hindi natapos ang pagsusuri ng kwalipikasyon.

*Depende sa sitwasyon ng pagtanggap, maaaring mas mahaba ang oras ng paghihintay. Mangyaring dumating nang may sapat na oras.

【Lugar:】
Tokyo Metropolitan Government Main Building No. 1 Main Conference Hall (5th Floor)

【Address:】
2-8-1 Nishi-Shinjuku, Shinjuku-ku, Tokyo

• Sa pagpasok, mangyaring kunin sa staff ang entry pass (kulay dilaw) sa harap ng elevator sa hilagang bahagi ng Metropolitan Government Main Building No. 1.
• Para sa mga hindi makakadalo sa alinmang araw, mangyaring tumawag sa <Makipag-ugnayan (03-5320-6745)> na nasa pinakaibaba.

2  Kapasidad ng bawat sesyon

Upang maiwasan ang pagdagsa ng mga tao, hinihiling namin na magpareserba kayo nang maaga.

Mayroong limitasyon sa bilang ng mga taong maaaring lumahok sa bawat sesyon. Kapag naabot na ang kapasidad ng sesyon, hindi na maaaring magpareserba nito. Mangyaring magpareserba ng ibang araw o oras.

3  Mga Maaaring Mag-apply para sa “Pagpili ng mga Dayuhang Estudyante na Naninirahan sa Tokyo, atbp. para sa Pagpasok sa Paaralan sa Abril”

Mga naninirahan sa Tokyo at kapareho ng address ng magulang o tagapag-alaga; o mga may address sa Tokyo bago ang araw ng pagpasok sa high school at makakabiyahe mula sa Tokyo papunta sa paaralan pagkatapos makapasok sa paaralan; at mga nalalapat ang alinman sa mga sumusunod na 1 hanggang 5 sa ibaba at nangangailangan ng gabay sa wikang Japanese.

*Ang mga taong nag-aaplay sa Hitotsubashi High School, Asakusa High School, Ogikubo High School, o Sunagawa High School ay dapat manirahan o magtrabaho sa Tokyo. Hindi ito kailangang kapareho ng address ng magulang o tagapag-alaga.

1. Maaaring mula sa alinmang bansa at nakatakdang magtapos sa junior high school hanggang Marso 31, 2027, at hindi lumalampas ng tatlong taon mula nang dumating sa Japan hanggang sa araw ng pagpasok sa paaralan.
2. Maaaring mula sa alinmang bansa at nagtapos na sa junior high school, at hindi lumalampas ng tatlong taon mula nang dumating sa Japan hanggang sa araw ng pagpasok sa paaralan.
3. Maaaring mula sa alinmang bansa at nakatakdang magtapos sa paaralan sa sariling bansa hanggang Marso 31, 2027 o nakapagtapos na.
4. May foreign passport, pumapasok sa paaralan para sa mga dayuhan sa Japan, at nakatakdang magtapos sa paaralang kapantay ng antas ng junior high school sa Japan hanggang Marso 31, 2027, o nakapagtapos na.
5. Maaaring mula sa alinmang bansa, pumapasok sa Japanese School sa ibang bansa at inaasahang magtatapos ng antas na kapantay ng junior high school ng Japan hanggang Marso 31, 2027, o nakapagtapos na nito.

• Para sa mga dumating sa Japan noong Enero 1, 2024 o pagkatapos nito, ituturing na hindi lumalampas ng tatlong taon ang pananatili sa Japan mula nang pagdating dito.

*Ang mga patakarang nakasulat sa pahinang ito ay mga patakarang may mahihirap na salita na muling isinulat gamit ang mas madaling wikang Japanese. Para sa mga detalyadong patakaran, siguraduhing kumpirmahin ang “Paunang Pagsusuri ng Kwalipikasyon sa Aplikasyon”.

4  Mga Wika at Oras na Magagamit ang Interpretation

Walong wika: English, Chinese, Korean, Filipino, Nepalese, Spanish, Thai, at Vietnamese

Oras na magagamit ang interpretation: 

Maaaring magamit ang interpretation kahit sa mga wika na hindi nakasaad sa
talahanayan sa itaas. Para sa mga gustong gumamit ng serbisyong ito, mangyaring tumawag hanggang Nobyembre 6 sa <Makipag-ugnayan (03-5320-6745)> na nasa pinakaibaba.

 5  Mga Bagay na Dadalhin

Mga kailangang dalhin ng lahat

　・ Application Form para sa Paunang Pagsusuri ng Kwalipikasyon sa Aplikasyon para sa Pagpili ng mga Dayuhang Estudyante na Naninirahan sa Tokyo, atbp.  PDF

Bukod dito, mangyaring kumpirmahin ang talahanayan sa ibaba at dalhin ang mga dokumentong may markang 〇.

• 1. Kailangan lamang ang Certificate of Entries Recorded in the Resident Record para sa mga naninirahan sa Tokyo. Kung naninirahan kayo sa labas ng Tokyo at titira sa Tokyo bago ang araw ng pagpasok sa high school, kailangang magsumite ng Application Form para sa Pag-apruba ng Aplikasyon (Form No. 1). Ang Application Form para sa Pag-apruba ng Aplikasyon (Form No. 1) ay ibibigay sa panahon ng Paunang Pagsusuri ng Kwalipikasyon ng Aplikasyon.
     Bukod dito, ang mga taong mag-aaplay sa Hitotsubashi High School, Asakusa High School, Ogikubo High School, o Sunagawa High School na kasalukuyang hindi naninirahan sa Tokyo, ngunit nagtatrabaho sa Tokyo, ay kailangang magsumite ng mga dokumentong nagpapatunay ng kanilang trabaho sa panahon ng aplikasyon.
  2. Kailangang magsumite ng Pahayag tungkol sa Pag-uwi sa Sariling Bansa, atbp. (Form No. 5) sa panahon ng aplikasyon. Ang Pahayag tungkol sa Pag-uwi sa Sariling Bansa, atbp. (Form No. 5) ay ibibigay sa panahon ng Paunang Pagsusuri ng Kwalipikasyon ng Aplikasyon. Mangyaring kumuha ng sertipikasyon sa tanggapan ng munisipalidad kung saan kayo naninirahan. Bukod dito, mangyaring magsumite ng Certificate of Entries Recorded in the Resident Record sa Tokyo Metropolitan High School na balak niyong pasukan bago ang araw ng pagpasok sa paaralan. Kukumpirmahin ng Tokyo Metropolitan High School kung kayo at ang inyong mga magulang o tagapag-alaga ay lumipat sa address sa Tokyo.

• Para sa Certificate of Entries Recorded in the Resident Record (Form No. 3), mangyaring kumuha ng sertipikasyon simula Nobyembre １.
• Upang makumpirma ang inyong panahon ng pananatili mula nang dumating sa Japan, siguraduhing parehong dalhin ang inyong passport at residence card.
• Para sa mga nag-renew ng kanilang residence card, mangyaring dalhin ang inyong dating residence card, kung saan makukumpirma ang petsa ng pahintulot na pumasok sa Japan.
• Para sa mga hindi makumpirma ang petsa ng pahintulot na pumasok sa Japan gamit ang kanilang residence card, kukumpirmahin ang petsa ng pagpasok at paglabas sa bansa gamit ang stamp na tinatak sa inyong passport. Para sa mga pumasok at lumabas sa bansa pagkatapos ng petsa ng pahintulot na pumasok sa Japan, bibilangin ang panahon ng pananatili sa Japan mula sa pinakahuling petsa ng pagpasok sa bansa. Para sa mga walang stamp ng pagpasok at paglabas ng bansa sa kanilang passport, mangyaring dalhin din ang sertipikasyon ng pagpasok at paglabas ng bansa (o pag-uwi) na binigay ng Immigration Services Agency. Mangyaring isagawa nang maaga ang mga pamamaraan para sa aplikasyon ng sertipikasyon.
• Hindi makukumpirma ang petsa ng pahintulot na pumasok sa Japan sa mga bagong residence card na inisyu simula Hunyo 14, 2026. Kukumpirmahin ang ang petsa ng pahintulot na pumasok sa Japan gamit ang stamp na tinatak sa inyong passport.

  • ＜Sanggunian＞

    Certificate of Entries Recorded in the Resident Record (Form 3) PDF 

  6 Reservation form

  Mangyaring magpareserba mula sa URL sa ibaba.*Ang mga reserbasyon ay maaaring gawin mula Oktubre 13.

  Address https://logoform.jp/form/tmgform/1797162

  QR code   

  

  PDFファイルをご覧いただくためには、Adobe Acrobat Reader DCが必要です。Adobe社のホームページより無料でダウンロードすることができます。
  Adobe Acrobat Reader DCのダウンロードページへ（新しいウィンドウが開きます）